Die begrotingsvergadering vir 2020 is op 17 September 2019 gehou en die skoolgelde is vasgestel soos volg:

GRAAD R TOT GRAAD 7

• – Skoolgelde is vasgestel as R16 720-00 en is vooraf betaalbaar.
• – Die skoolgelde kan egter afbetaal word oor 11 maande in maandelikse paaiemente van R1 520-00 elk (Januarie – November 2020).
• – Indien u die volle jaarlikse skoolgeld betaal voor/op 31 Januarie 2020, ontvang u korting van 7,5% (R1 254-00) = bedrag betaalbaar R15 466-00.

GRAAD RR

• – Skoolgelde is vasgestel as R18 920-00 en is vooraf betaalbaar.
• – Die skoolgelde kan egter afbetaal word oor 11 maande in maandelikse paaiemente van R1 720-00 elk (Januarie – November 2020).
• – Indien u die volle jaarlikse skoolgeld betaal voor/op 31 Januarie 2020, ontvang u korting van 7,5% (R1 419-00) = bedrag betaalbaar R17 501-00.

Die skoolgeld is betaalbaar in ooreenstemming met die bepalings van Artikel 38 en 39(1) van die Suid-Afrikaanse Skolewet.

Alle ouers moet skoolgeld betaal, tensy daar vooraf (vanaf 15 Januarie 2020 en nie later as 29 Februarie 2020) by die Beheerliggaam aansoek gedoen is vir volle, gedeeltelike of voorwaardelike kwytskelding van skoolgeld.

Die volledige prosedure wat gevolg moet word vir sodanige aansoek is vanaf 15 Januarie 2020 by die skool beskikbaar (mev. Chanté Mostert, finansiële beampte).

Die proses vir invordering van agterstallige of uitstaande skoolgelde word herbevestig en dit sluit in die oorhandiging aan prokureurs en swartlysting asook siviele sake teen ouers.

Die skool se bankbesonderhede indien u ‘n elektroniese oorbetaling wil maak:
ABSA, Strand, Rekeningnommer: 420 490 003. U kind se Rekening Nr . /Naam, Van en Graad as verwysing asb .

Vriendelike groete

ADRIAAN ODENDAAL
VOORSITTER: BEHEERLIGGAAM